a zachs rintfleisch

a zachs rintfleisch is ma liaba
oes a zoata schinkn, bei dem i ima
on dös schwein denkn muass,
dos den amol unta sein oasch
hod woxn lassn.

Beim rintfleisch oba,
do muass i mi aunstrengan
und waun i daun endlig so an brokn
launxsaum zwischn de zend zamaulmt hob,
daun denk i ma:

jez owa vazei i mia de sint,
das dös oame fiech fia mi hod steam miasn.
Den da mendsch soll eem a maunxmoe
aun s ende oln fleischös denkn,
a wemma ka brafa kiachnbeitrogzaula is.